Nara krungu crita Simbah bab Semarang Venetie van Java. Atine bungah! Dheweke mbayangke Kali Semarang ing Kota Lama urip maneh: banyune bening, prau-prau sliweran, pinggire taman asri. Kanthi panyengkuyung ibune, Nara nggawe maket kanal impene. Karyane entuk penghargaan! Apa impene Nara isa nggugah semangat kuthane?
Preinan menyang desane Simbah Karto ing Brebes rasane istimewa banget tumrap Raka. Apamaneh, nalika panen brambang! Jebul, Simbah kagungan “kalkulator” ampuh ing mustakane! Raka diajak melu panen. Dheweke nonton Simbah ngira-ngira asil panen, ngetung iketan brambang, lan andum bawon kanthi adil. Sinau ngetung ana ing sawah pranyata luwih nyenengake! Kepriye “kalkulator panene” Simbah n…
Awakmu tau weruh kanca tuli nari ing panggung? Jenengku Nara. Iki critaku. Wiwit cilik aku kanca tuli. Aku kepengin banget dadi penari. Aku karo ibuku golek cara supaya aku bisa dadi penari. Akhire, sawijining dina aku ketemu guru nari kanca Tuli. Kepiye, ya, caraku latihan nari karo guruku? Ayo, kancani aku latihan nari!
Bima, Respati, lan Jati tuku jamu coro. Nanging, Jati jail marang Bima. Jati nyrobot antriane Bima lan meden-medeni nganggo coro dolanan. Bima wedi banget nganti njalari kanca-kancane kaget. Apa sakjane sing dialami Bima?
Nalika ing daleme Mbah Kakung, Jaka krungu swara sing aneh. Swara kuwi ndadekake Jaka sing bocah kutha iki penasaran. Swara apa kuwi mau? Apa sing arep ditindakake dening Jaka, ya?
Iki critane Doni, mbah kakunge seniman barongan sing kagungan kamar wadi. Ngendikane Pakdhe Surip, kamar iku isine ingon-ingone Mbah Kakung. Doni kepengin weruh apa isine kamar kuwi. Doni munggah andha, arep nginceng saka dhuwur. Durung kasil olehe nginceng, Doni konangan. Cilaka!
Clara ndherek Ibu liburan ‘musim panas’ ing Indonesia. Dheweke seneng bisa ketemu karo Arimbi, sepupune. Emane, Clara rumangsa ora jenak amarga para sedulur sagotrah seneng nakoni dheweke. Bab kuwi njalari Clara protes. Clara ora gelem ndherek acara reuni ibune. Minangka gentine, Clara lan Arimbi plesir numpak andhonge Pak Hasto menyang sentra gamelan. Saliyane nonton carane nggawe gamelan,…
Mulih sekolah Eko, Indri, lan Didik mampir kebon jagunge Mbah Min saperlu arep dolan. Nanging, Mbah Min katon duka. Kenang apa, ya? Jebulane merga tanduran jagunge padha dipangan walang. Bisa-bisa ora sida panen. Eko lan kanca? kanca banjur golek cara kanggo ngrewangi Mbah Min. Kira-kira apa sing ditindakake bocah-bocah iku?
Apa awakmu tau mangan uler jedhung bakar? Jenengku Ari, iki critaku. Aku ndherek Bapak jaga tegalan. Nalika ing tegalan, Bapak ngajak golek uler jedhung ing pinggir alas. Uler jedhunge arep dibakar kanggo lawuh. Kira-kira kaya ngapa rasane?
Gabi kelangan semangka sing ntas wae dituku. Kamangka, semangka iku siji-sijine pangan sing diduweni Gabi. Gabi luwe. Kanca-kancane ora bisa nulung amarga uga padha ora duwe pangan. Banjur, kepriye nasibe Gabi?